ပရိယတ်ပဋိပတ်အကျင့်မြတ်နှင့် သာသနာ့ပျိုးဥယျာဉ်ရှင်သာမဏေလေးများ၏ နေ့စဉ်ဘဝ...။ ရန်ကုန်တိုင်းဒေသကြီး၊ လှည်းကူးမြို့နယ်၊ သာသနာ့ပျိုးဥယျာဉ်ကျောင်းတိုက်ရှိ ရှင်သာမဏေလေးများ၏ အမှန်တကယ်ပြုလုပ်ဆောင်ရွက်နေသော နေ့စဉ်ဘဝ ပရိယတ်ပဋိပတ်အကျင့်မြတ် ကျင့်ကြံအားထုတ်မှု သာသနာပြုလုပ်ငန်းများကို သဒ္ဓါကြည်လင်ပါရမီရှင်အပေါင်းတို့ ထပ်ဆင့်ကြည်ညိုသဒ္ဓါပွားများနိုင်ပါစေခြင်းအလို့ငှာ ဖော်ပြလိုက်ပါသည်။

ပါရမီရှင်သာမဏေလောင်း၏ပြင်းပြသောဆန္ဒ မိဘများ၏အနူးအညွှတ်ခွင့်ပြုမှုနှင့်အတူ သံသရာဝဲဩဃရေအယဉ်ကိုကူးခတ် နိဗ္ဗာန်တည်းဟူသောကြည်းကုန်းထက် တက်မည်ဟူသောရည်ရွယ်ချက်ဖြင့် ဦးစီးပဓာနနာယက အောင်လံဆရာတော်ကြီးကိုဥပဇ္ဈာယ်ပြု၍ မဟာနာယကဆရာတော်ဦးဇယန္တ၏ သရဏဂုံသီလချီးမြှင့်ပေးမှုနှင့်အတူသာသနာတည်းဟူသော ပျိုးဥယျာဉ်ကြီးထဲတွင် အရိယာတို့၏အလံတံခွန်ဖြစ်သော သင်္ကန်းမြတ်ကိုဆင်မြန်းပရိယတ်, ပဋိပတ်အကျင့်မြတ် သာသနာ့တာဝန်ကိုထမ်းကြမည့် ဒုတိယအသုတ် ရှင်သာမဏေလောင်းများ၏ သာသနာ့ဘောင်သို့ကူးပြောင်းခြင်း ပဗ္ဗဇ္ဇမင်္ဂလာ…။

စာအုပ်အလှူတော်ရှင်ဇိနဝံသ၊ ရှင်ဝိသုဒ္ဓါစာရ၊ရှင်ဒဿန၊ရှင်သီဟဉာဏ၊ရှင်ရက္ခဝံသ၊ရှင်ကာရုည၊ရှင်ရအဂ္ဂစာရ၊ရှင်နရိန္ဒ၊ရှင်တိက္ခိန္ဒြိယ ရှင်သာမဏေလေးများစုပေါင်း၍သာသနာ့ပျိုးဥယျာဉ်ကျောင်းတိုက် စာကြည့်တိုက်တွင် ရှင်သာမဏေများ ဖတ်ရှုလေ့လာရန်အတွက် စာအုပ်စာပေများကိုသဒ္ဓါကြည်ဖြူစွာဖြင့် ဆက်ကပ်လှူဒါန်းပါသည်။စိတ်ချမ်းသာ၊ကိုယ်ကျန်းမာစွာဖြင့် သာသနာအကျိုးသယ်ပိုးနိုင်ပါစေ။ကောင်းကျိုးလိုရာဆန္ဒပြည့်ဝကြပြီးလျှင်တရားထူးတရားမြတ်များကို လျှင်မြန်စွာ သိရှိခံစားပြီး နိဗ္ဗာန်ချမ်းသာတိုင်အောင် အကျိုးပေးနိုင်သော အထောက်အပံ့ကောင်းသည် စင်စစ်မသွေ ဖြစ်ပါစေသော်...